حمام الحليب للجسم

هوريكم طريقة حمام الحليب للجسم
الطريقة ديه اختراع وابداع شخصي 100% بحاول فيه استفيد من انزيمات الحليب المتعددة الفوايد
مع فوايد الطمي المغربي اللي مش هتكلم عنها كتير طبعا معروفة
و سنفرة السكر للجسم
اتفضلوا معانا

1- الادوات المطلوبة:

في الصورة الاولي:

اربع معالق كبيرة حليب بودر - اربع معالق طمي مغربي من العطار (اللي عندي ممكن مايكونش حلو قوي لاني كنت جايباه من عطار نص نص ربنا يسامحه) انتي ممكن تتعبي وتجيبي احسن منه - معلقتين كبار سكر بني (اكيد ممكن سكر ابيض وياريت لو حبة خشنة شوية) - اكيد طبق نضيف.

في الصورة الثانية:

زيت ورد - زيت زيتون - وممكن ميه ورد او ميه مغليه نستعملها بعد ماتبرد مش مهم المتاح هنشتغل بيه (انا كان عندي تونر ميه خيار ومكنش بستعمله قوي فقررت استعمله)

2- التنفيذ

هنلخط المكونات الجافة كلها مع بعض كويس جدا وهنفركهم مع بعض لحد ما يبقوا تامين الاندماج تقريبا زي الصورة.

هناخد تقريبا كده معلقتين زيت زيتون وزيهم من زيت الورد والكمية من الميه او من التونر اللي انا استعملته هتبقي اختيارية حسب ماالقوام يبقي متماسك وكريمي معاكي (تقريبا انا اخدت تمان او تسع معالق كبيرة).

وتخلطيهم كويس جدا لحد ماياخدوا الشكل ده

3- الاستعمال

هتسيبي الخليط اللي عملناه فوق تقريبا ساعة عشان المكونات تخمر مع بعضها او تاخد وتدي في بعض وتستفيدي منها اكتر

ساعة الاستعمال هيتفرد زي الكريم علي كل الجسم وهو ناشف بكرر وبقول والجسم ناشف ناشف مش مبلول نهائي

وتسيبيه شوية لحد ما تسرحي شعرك مثلا او تعملي اي حاجة
و يفضل لو تسيبيه نص ساعة والا حاجة علي جسمك يعني ترجعي تلبسي هدومك وتخرجي تعملي اي حاجة وتدخلي الحمام تاني.

هتجيبي جوانتي التقشير اللي عندك او الليفة المغربي وتفركي الماسك من علي جسمك بالراحة جدا وعكس الاتجاه

يعني الرجلين من تحت لفوق والدراعات من اول الايد لحد الكتف
ومنطقة البطن والصدر هنبدا بمنطقة البطن صعودا للصدر وهكذا .
و وانتي بتفركي ابقي عرفيني شفتي جلد ميت قد ايه (لو حطتيه علي جسم مبلول عمرك ما هتشوفي جلد ميت)

في النهاية اشطفي كويس بالميه و من غير شاور اكيد لان القوام بالتركيب المظبوط اللي بقولك عليه ان شاء الله مش هيكون مزيت والا متعب في الشطف.

نشفي جسمك بطريقة الطبطبة مش العنف ورطبي باي حاجة خفيفة خالص ولو حتي زيت الاطفال.

كده الموضوع انتهي ان شاء الله رب العالمين
واتمني منكم التنفيذ واشوف ردودكم وتجاربكم معاه
قد ايه الطريقة بسيطة ومش مكلفة بس ان شاء الله هتشوفي تاثيرها معاكي.
يفضل طبعا تتعمل اسبوعيا ان امكن.
وانا في انتظار اي استفسار.

ملحوظة مهمة:

الموضوع جهد شخصي تماما وحصري تماما ان شاء الله
وبالامانة انه منقول مع الدعاء لصاحبة الموضوع

شكررررررررررررررا

» غرفه نوم على حمام السباحه