حدوتة قبل النوم(2)

السلام عليكم يا حلوين

انا حدوتى النهاردة عن برغوت صغنن اسمه برغل وبرغل دا مشكله وهو حشرة صغنونه حالص ولونها اسود وبتقرص الناس والحيوانات وبتمص دمهم وتعيش عليه

برغل الصغنون عايش مع اهله فى الغابه

وكان الاسد ملك الغابه حيوان ظالم وقاسى ومش عادل مع الحيوانات وكان عايش فى بيت كبير اوى

وكل الحيوانات عايشه فى بيت صغير ومفيش اكل والاسد بياكل كل يوم حيوان

يوم غزاله ويوم تانى ارنب وكل محيوان يولد حيوان صغنون بياخدة ياكله

الحيوانات زهقت وتعبت ومش عارفين يتصرفوا

الحيوانات اتجمعت وقالت احنا لازم نشوف حل للموضوع دا

احنا هنعمل ايه فى ظلم الاسد المفترى دا 000000000000000

احنا مش قادرين عليه مع ان فى مننا حيوانات اكبر من الاسد الظالم دا

الفيل اكبر ووحيد القرن وفرس النهر اكبر بس احنا منقدرش عليه

الحيوانات عملوا اجتماع ازاى يتخلصوا من الملك الظالم دا ويعملوا ايه

البرغوت برغل سمع كلام الحيوانات وقال لامه انا يا امى

هخلصكم من الملك الظالم دا ؟؟؟؟؟؟؟؟؟؟؟؟؟؟؟؟؟؟؟

امه قالتله ازاى يا برغل انت مجرد حشرة صغيرة مش هتقدر تعمل حاجه

والحيوانات الكبيرة مقدرتش تعمل حاجه هتقدر انت يا ابنى 00000000000000

برغل رد على امه وقال

ياامى خلى عندك ثقه بى انا حجمى صغير اة بس الحمد لله عندى مخ كبير وبقدر افكر

والقوة مش بالحجم بالعقل وبس

الام استعجبت من كلام برغل اوووووووى وقالتله

خالى بالك من نفسك يابرغل

برغل فرح بثقت امه وصمم انه لازم يدى الاسد الظالم دا درس عمرة مهينساه

ابدا

برغل اعد يقفز من مكان لمكان لان البراغيت مش بتمشى زينا بتنط

لغايه موصل لبيت الاسد الجبار وعلشان حجم برغل صغنن خالص محدش شافه

ودخل اوضه الاسد واستنى لغايه لما الاسد نام وبداء عمله ومهمته الصعبه

وهى انه اعد يقرص فى الملك فى راسه الاسد قام مزعور من نومه واعد يهرش ومش قادر

ونادة على الحرس والحيوانات علشان ينضفوا السرير والاوضه

واستخبى برغل فى ودان الاسد وبعد الحيوانات ممشيت وراح الاسد ونام

برغل بدء يقرص فيه تانى فى كل حته فى جسمه والاسد مقدرش يستحمل

القرص

واعد يعيط وقاله انت مين وعايز ايه وبتقرصنى ليه

برغل قاله انا هفضل اقرصك لغايه لما تعامل الحيوانات كويس وتديها حقوقها كلها

الاسد قاله موافق بس ارجوك سبنى انام انا تعبان اوى

وافق برغل بشرط ان الاسد يحكم بالعدل بين الحيوانات وميكلش الحيوانات الصغيرة

تانى ويسيب الحيوانات تعيش حياتها الطبيعيه وتحس بالامان

وبرغل مرديش يسيب ودان الاسد وقال لما اشوف الاسد هيعمل ايه تانى يوم

وصحى الاسد من النوم وجمع كل الحيوانات وحكم عليهم انهم ينضفوا بيته من الحشرات

ويغسلوا كل حاجه فى البيت

بس للاسف نسى انه يستحمى لان البراغيت بتموت وبتخاف من الميه

والحيوانات تعبت من تنظيف بيت الاسد الظالم

وبالليل الملك الاسد فرحان اوى وقال خلاص انا لصت من الحشرة المقرفه دى

وبرغل اعد يضحك

وفضل يقرص فيه يقرص يقرص يقرص يقرص يقرص

والاسد اعد يعيط ويصوت ومش مستحمل

كل القرص والعذاب وقاله ارجوك سبنى مش هظلم تانى ومش هعمل حاجه وحشه تانى

ولكن برغل كان زكى وعارف ان الملك الاسد ظالم ومش هيعمل الى بيقول عليه

وقاله ارجوك ارحمنى وسبنى

برغل قاله لازم تسيب الحكم وتمشى من الغابه ومترجعش تانى وتجرى دلوقتى

ادام الحيوانات وتقول انك ظالم وتمشى

وافق الاسد وصدق لما برغل بطل تقريص فيه وهرب من الغابه وهو بيصرخ

وبيقول انا ظالم انا اسف سمحونى يا حيوانات سمحونى

والحيوانات كلها فرحت انها اتخلصت من الاسد الظالم

وشكرت برغل البرغوت الصغنون الى قدر ينقذ الغابه من الملك الظالم

ورجع برغل لامه وهى فرحانه وفخوره بابنها الصغنن الى استطاع يقهر الظلم

ويارب تكون عجبتكم

واستنونى مع حدوته جديدة

حلوة خاااااااااااااااااااااااااالص

» حدوتة قبل النوم(1)
» حدوتة قبل النوم(5)
» حدوتة قبل النوم(3)
» حدوتة قبل النوم(4)
» النوم سلطان