حدوتة قبل النوم(5)

حدوتة باسم وحلمه الجميل

كان يا مكان ولا يحلي الكلام الا بذكر النبي عليه الصلاة والسلام.................عليه الصلاة والسلام

كان فيه مرة ولد اسمه باسم كان بيحب اوي قبل ما ينام انه يقول دعاء النوم وينام علي جنبه اليمين وبعدين يقعد يقول في القران اللي هو حافظه لغاية ما يناااااااااااااام

وفي يوم من الايام باسم عمل كدة قبل ما ينام وبعدين الصبح لما ماما راحت تصحيه قالها.....يا ماما سيبيني اكمل الحلم الجميل ده يا مامااااا
وبعد شوية لما صحي وقال دعاء الاستيقاظ ماما باسته وقلت له .........مش حتقولي يا حبيبي كنت بتحلم بايه

قال لها كنت بحلم اني شايف ملايكة شكلهم حلو اوىىىى
وان كمان كان وشي منور وايدي ورجلي وشعري
والملايكة قالت لي تعالي عشان تروح القصر بتاعك
وبعدين لقيتني واقف قدام باب كبيير من دهب وشكله جميل خالص
وبعد ما فتح الباب لقيت جنينة كييييرة وحمامات سباحة وملاهي ولعب حلوة كتير
وكان فيه عصافير بتغرد بصوت جميل وكمان كان ريحة المكان جميلة اوي يا ماما
كمان فاكهة فراولة و مانجو وتفاح وموز و...............

ماما...............ما شاء الله يا باسم ده انت دخلت الجنة في الحلم

ايوه يا ماما وانا سالت الملايكة انا عملت ايه عشان ربنا يخليني منور وجميل ويدخلني الجنة لحلوة دي
قالوا لي.................عشان كنت بتحافظ علي الصلاة يا باسم وخصوصا صلاة الفجر وعشان كمان كنت بتحب الوضوء اوي ربنا نور وجهك وكل اعضاء الوضوء

بس كدة يا ماما بعدين لقيتك بتصحيني

ماما...............ما شاء الله يا باسم ده حلم جميل جدا ربنا يبارك فيك يا حبيبي

وتوتة توتة خلصت الحدوتة

حلووووووووة

» حدوتة قبل النوم(3)
» حدوتة قبل النوم(4)
» حدوتة قبل النوم(1)
» حدوتة قبل النوم(2)
» النوم سلطان